sunnudagur, október 05, 2008
Partners in Crime
Ég elska að vera löt. Það er ein af mínum uppáhalds iðjum. Ég reyni að vinna ekkert á sunnudögum, og þá fer dagurinn yfirleitt bara í leti. Í dag var grenjandi rigning mest allan daginn. Ég nennti ekki út með hundinn í göngutúr, henti Dimmalimm bara út í garð að pissa. Var með smá samviskubit yfir því, en hún er heldur ekkert hrifin af rigningu. Svo lágum við bara saman inni í sófa og kúrðum. Dimmalimm getur líka verið voða löt stundum. Það er gott að vita að það er ekki bara ég. Partners in crime....
Við Ásberg og Dimmalimm fórum í 5 daga frí í vikunni til Isle of Wight. Þar höfðum við leigt pínulítið krúttlegt kot. Það var voða kósí fyrir utan heilahristinginn sem Ásberg greyið fékk nokkrum sinnum á dag....já húsið var það lítið. Já og svo varð ég líka öll útbitin af flóm.... ég held það hafi verið flær í sófanum. Mig klæjar ennþá.
En hvað sem flóabitum og heilahristingi líður, þá höfðum við það voða gott, náðum að slappa vel af, elda góðan mat og fara í langa
göngutúra. Og mér tókst að kenna Dimmu nokkur trix, meðal annars að vinka bless og loka hurð.
Svo komum við heim og kisurnar voru ánægðar að sjá okkur. Jasmin vinkona okkar hafði séð um þær á meðan. Reyndar var Táta greyið nánast óþekkjanleg, hún er svo seinheppin greyið og hlýtur að hafa lent í óhappi fyrr um daginn. Svarta kisan okkar er með einhverja Michael Jackson complexa. Ekki nóg með að hún sé komin með hvíthærða bletti á mjaðmirnar (gerðist eftir bílslysið í vor), nú var hún öll útötuð í hvítri málningu!! Ég fékk alveg áfall. Ég fór með hana inn á bað og náði að klippa eitthvað úr feldinum, og náði nokkurn veginn restinni úr með þvotti. Þetta var sem betur fer vatnsmálning.
Vissuð þið að BAMBI er viðurkennt nafn hjá íslensku mannanafnanefndinni?? Ég var að skoða listann um daginn og gat ekki annað en hlegið af öllum furðulegu nöfnunum. Reyndar fannst mér Bambi alveg yndisleg saga, ég átti bókina og kasettuna þegar ég var lítil. Ég held hún hafi verið á dönsku. Mér fannst reyndar rosa sorglegt þegar mamma hans Bamba dó. En af því að Bambi var svo krúttlegt dýr, þá finnst mér það fínt gælunafn fyrir bumbubúann. Bambi Ásbergsson eða Ásbergsdóttir. Skemmtilegt nafn.....ekki satt?
Ég er komin 19 vikur á leið núna og er bara að bíða eftir að finna fyrir almennilegum hreyfingum. Annars held ég að Bambi hafi gaman af söngleikjum. Við fórum nefnilega á Mamma Mía á föstudags kvöldið, og ég get svarið ég held ég hafi fundið fyrir smá dansi inni í bumbunni.
-
Við Ásberg og Dimmalimm fórum í 5 daga frí í vikunni til Isle of Wight. Þar höfðum við leigt pínulítið krúttlegt kot. Það var voða kósí fyrir utan heilahristinginn sem Ásberg greyið fékk nokkrum sinnum á dag....já húsið var það lítið. Já og svo varð ég líka öll útbitin af flóm.... ég held það hafi verið flær í sófanum. Mig klæjar ennþá.
En hvað sem flóabitum og heilahristingi líður, þá höfðum við það voða gott, náðum að slappa vel af, elda góðan mat og fara í langa
göngutúra. Og mér tókst að kenna Dimmu nokkur trix, meðal annars að vinka bless og loka hurð.Svo komum við heim og kisurnar voru ánægðar að sjá okkur. Jasmin vinkona okkar hafði séð um þær á meðan. Reyndar var Táta greyið nánast óþekkjanleg, hún er svo seinheppin greyið og hlýtur að hafa lent í óhappi fyrr um daginn. Svarta kisan okkar er með einhverja Michael Jackson complexa. Ekki nóg með að hún sé komin með hvíthærða bletti á mjaðmirnar (gerðist eftir bílslysið í vor), nú var hún öll útötuð í hvítri málningu!! Ég fékk alveg áfall. Ég fór með hana inn á bað og náði að klippa eitthvað úr feldinum, og náði nokkurn veginn restinni úr með þvotti. Þetta var sem betur fer vatnsmálning.
Vissuð þið að BAMBI er viðurkennt nafn hjá íslensku mannanafnanefndinni?? Ég var að skoða listann um daginn og gat ekki annað en hlegið af öllum furðulegu nöfnunum. Reyndar fannst mér Bambi alveg yndisleg saga, ég átti bókina og kasettuna þegar ég var lítil. Ég held hún hafi verið á dönsku. Mér fannst reyndar rosa sorglegt þegar mamma hans Bamba dó. En af því að Bambi var svo krúttlegt dýr, þá finnst mér það fínt gælunafn fyrir bumbubúann. Bambi Ásbergsson eða Ásbergsdóttir. Skemmtilegt nafn.....ekki satt?Ég er komin 19 vikur á leið núna og er bara að bíða eftir að finna fyrir almennilegum hreyfingum. Annars held ég að Bambi hafi gaman af söngleikjum. Við fórum nefnilega á Mamma Mía á föstudags kvöldið, og ég get svarið ég held ég hafi fundið fyrir smá dansi inni í bumbunni.
-
