<$BlogRSDUrl$>

fimmtudagur, júní 30, 2005

Æðislegar vinkonur 

Mér finnst alveg meiriháttar að hafa loksins tíma til að hitta vinkonur mínar hérna á Íslandi. Sólrúnu, Guðrúnu og Maríu hef ég auðvitað þekkt næstum því síðan ég man eftir mér. Þess vegna eru alltaf gleðifundir þegar við getum hisst allar fjórar þegar ég er á landinu. Þá verður allt eins og í gamla daga og við látum eins og smástelpur.

Um daginn þegar við vorum í mat heima hjá Maju, var aðalumræðuefnið, kærasta-vandamál og kærasta-leysis-vandamál. Þegar umræðan stóð sem hæst hrökk allt í einu upp úr Sólrúnu:
"Stelpur! Við erum allar svo misheppnaðar eitthvað.."

Mér finnst nú ekkert geta verið meira fjarri sönnu, svo ég sprakk náttúrulega úr hlátri. Ekki síst af því að Sólrún greyið var svo innilega að meina það sem hún sagði.

Jæja en þrátt fyrir að við séum svona "misheppnaðar" þá höfum við allavega hvor aðra!

-

This page is powered by Blogger. Isn't yours?

Site Meter